Memleketaralyq izdeýde bolǵan ury Óskemende ustaldy
ÓSKEMEN. QazAqparat - Óskemen qalalyq Polıtsııa basqarmasynyń qyzmetkerleri Úlbi aýdanynda birneshe urlyq áreketin jasaǵany úshin memleketaralyq izdeýde júrgen kúdiktini ustady, dep habarlaıdy QazAqparat PB baspasóz qyzmetine silteme jasap.
Qazirgi ýaqytta onyń onshaqty urlyq deregine qatystylyǵy anyqtaldy. Qańtar aıynyń bas kezinde Úlbi aýdanyna qarasty birneshe turǵynnyń garajdary tonalǵany jaıynda tártip saqshylary shaǵymdardy tirkegen bolatyn. Úıdiń aýlasyndaǵy garajda saqtalǵan turmysqa qajetti zattardyń urlaný deregi bir tektes, ıaǵnı belgisiz tulǵa garajdyń qulpyn buzyp kirý arqyly elektrli ara, perforator, drel syndy aspaptardy qoldy etip otyrǵan.
Barlyq derekter boıynsha turǵyndarǵa 1 mıllıon 2 júz myń teńgeden astam shyǵyn keltirilgen.
«Kúdikti Óskemen qalasy Polıtsııa basqarmasynyń ýaqytsha tergeý ızolıatoryna qamalyp, oǵan qatysty Qazaqstan Respýblıkasy Qylmystyq kodeksiniń 188 baby 3 bólimi boıynsha sotqa deıingi tergeý amaldary bastaldy»,- dedi Óskemen qalasy Polıtsııa basqarmasynyń bastyǵy polıtsııa polkovnıgi Daýr Ibraev.
