Memleketaralyq izdeýde bolǵan 8 qylmysker Qazaqstanda jazalaryn óteýde
ASTANA. QazAqparat - Qazaqstanda memleketaralyq izdeýde bolǵan 8 qylmysker anyqtaldy.
Bul jaıynda QazAqparat QR Іshki ister mınıstrligi Qylmystyq atqarý júıesi komıtetiniń baspasóz qyzmetine silteme jasap habarlaıdy.
«Іzdeýde bolǵan qylmyskerlerdiń altaýy Ózbekstan Respýblıkasynyń, al taǵy ekeýi Qyrǵyzstan Respýblıkasynyń azamattary. Qazirgi ýaqytta olar Aqmola, Aqtóbe jáne Shyǵys Qazaqstan oblystaryndaǵy qylmystyq atqarý júıesi mekemelerinde túrli merzimde jazalaryn ótep jatyr», - delingen respýblıkanyń penıtentsıarlyq júıesi vedomstvosynyń habarlamasynda.
Máselen, Aqmola oblysyndaǵy qylmystyq atqarý júıesi mekemeleriniń birinde adam óltirgeni úshin 12 jylǵa sottalǵan Ózbekstannyń 46 jastaǵy azamaty qamaýda otyr. Oǵan 2007 jyldan beri qaraqshylyq shabýyl jasaǵany úshin Ózbekstan Respýblıkasy Tashkent oblysynyń ishki ister basqarmasy halyqaralyq izdeý jarııalaǵandyǵy belgili.
«Taǵy bir sottalýshy - 1973 jyly dúnıege kelgen Qyrǵyzstan Respýblıkasynyń azamaty 2013 jyldan beri barymtashylyq úshin halyqaralyq izdeýde bolǵan. Ol Qazaqstan Respýblıkasynda kontrabanda jasaǵany úshin 7 jylǵa bas bostandyǵynan aıyrylyp, qazirgi ýaqytta Aqtóbe oblysynda jazasyn óteýde», - delingen Qylmystyq atqarý júıesi komıteti taratqan aqparatta.
Sondaı-aq Qylmystyq atqarý júıesi komıtetinen sottalýshylardy elderine qaıtarý máselesi halyqaralyq paktige sáıkes sheshiletindigin atap ótken.
