18:16, 27 Qyrkúıek 2018 | GMT +5
Memleketaralyq izdeý jarııalanǵan Tájikstan azamaty Astanada ustaldy
ASTANA. QazAqparat - Astana polıtsııasy memleketaralyq izdeý jarııalanǵan Tájikstan azamatyn ustady, dep habarlaıdy QazAqparat Astana qalalyq ІІD baspasóz qyzmetine silteme jasap.
«26 qyrkúıek kúni Astana polıtsııasy Tájikstan Respýblıkasynyń 41 jastaǵy azamatyn ustady. Oǵan Tájikstan aýmaǵynda qylmystyq quqyqbuzýshylyq jasaǵany úshin memleketaralyq izdeý jarııalanǵan bolatyn», - delingen ІІD habarlamasynda.
Baspasóz qyzmetiniń habarlaýynsha, izdeý jarııalaǵan tájikstandyq mekemege kúdiktiniń ustalǵany týraly habar berildi. Qazir ony Tájikstan Respýblıkasyna ekstradatsııalaý máselesi sheshilip jatyr.