Memleketaralyq izdeýde júrgen qylmysker Kókshetaýda ustaldy

Memleketaralyq izdeýde júrgen qylmysker Kókshetaýda qolǵa tústi, dep habarlaıdy Kazinform.

Aqmola oblystyq PD baspasóz qyzmetiniń málimetinshe, qylmyskerdi Kókshetaý qalasy polıtsııa basqarmasynyń krımınaldyq polıtsııa bóliminiń qyzmetkerleri «Sheteldik» jedel-aldyn alý is-sharasy aıasynda anyqtaǵan. 

- Anyqtalǵandaı, 2018 jyly qazaqstandyq Reseıdiń Omby oblysynyń aýmaǵynda esirtki qylmysyn jasaǵan, alaıda ol jazadan qutylyp, 5 jyl boıy Kókshetaýda jasyryp júrgen. Osy ýaqyt ishinde er adam RF Qylmystyq kodeksiniń 228-babynyń 1-bólimine sáıkes Omby oblysy boıynsha RF ІІM Basqarmasynda memleketaralyq izdeýde bolǵan. Kókshetaý qalalyq PB qyzmetkerleri qajetti materıaldardy jınap, reseılik áriptesterine joldady, - dedi vedomstvodan.

Jalpy, 2023 jyly aqmolalyq tártip saqshylary 65 qylmyskerdiń ornalasqan jerin anyqtady.

Eske salaıyq, budan buryn Aqmolada polıtseıler esirtki kýrerin qolǵa túsirgen edi.