Memleket jylqy men túıe sharýashylyǵyn qoldaýǵa qansha sýbsıdııa bóldi
ASTANA. KAZINFORM – Bıyl memleket aýyl sharýashylyǵyn tikeleı sýbsıdııalardyń ornyna paıyzy tómendetilgen nesıemen qoldaýǵa kóshe bastaıdy. Tıisti mınıstrlik Kazinform saýalyna joldaǵan jaýapta jyl saıyn jylqy men túıe sharýashylyǵyn qoldaý úshin qansha sýbsıdııa tólengeni týraly málimet usyndy.
- 2023 jyly mal sharýashylyǵyn sýbsıdııalaý úshin 147 mlrd 25,7 mln teńge sýbsıdııa berildi, - dep jazylǵan resmı málimette.
Sonyń ishinde:
- Bıe sútin óndirý men óńdeýdiń qunyn arzandatýǵa – 323,3 mln teńge
- Túıe sútin óndirý men óńdeýdiń qunyn arzandatýǵa – 462,6 mln teńge
- Bordaqylaý alańdaryna bordaqylaýǵa nemese et óńdeý kásiporyndaryna soıýǵa ótkizilgen usaq maldyń erkek daraǵynyń qunyn arzandatýǵa – 228 mln teńge
- Taýyq etin óndirý qunyn tómendetýge – 22 403,4 mln teńge
- Sút óndirisiniń qunyn arzandatý – 23 959,8 mln teńge
- Іri qarany soıýmen jáne etin bastapqy óńdeýmen aınalysatyn et óńdeý kásiporyndarynyń sıyr etin ótkizý qunyn arzandatýǵa – 524,9 mln teńge
- Bordaqylaý alańdaryna bordaqylaýǵa nemese et óńdeý kásiporyndaryna soıýǵa ótkizilgen iri qaranyń erkek daraǵynyń (onyń ishinde sútti nemese sútti-etti asyl tuqymdy erkek daraqtar) qunyn arzandatýǵa – 6 406,9 mln teńge berilgen.
Degenmen bul sýbsıdııalar ishki naryqtaǵy ımportty múldem yǵystyryp tastady deýge kelmeıdi.
2023 jyly qazaqstandyqtar tutynǵan:
- sıyr etiniń –12 246,8 tonnasy (3%)
- shoshqa etiniń – 6 736,6 tonnasy (12,1%)
- qoı etiniń - 32,7 tonnasy (0,02%)
- jylqy etiniń – 2 930,4 tonnasy (1,7%)
- qus etiniń – 152 464,3 tonnasy (45,4%)
- jumyrtqanyń – 327,2 mln danasy (7,4%)
- júnniń – 52,9 tonnasy (0,1%)
- súttiń – 32 439,4 tonnasy (0,9%) ımporttalǵan.
- Jalpy eldegi óndiriletin mal sharýashylyǵy ónimderin óndirý kólemi halyqtyń qajettiligin mynandaı deńgeıde qamtamasyz etedi: qoı eti - 105%, sıyr eti - 101%, jylqy eti - 98%, shoshqa eti - 92%, qus eti - 73%, jumyrtqa - 100%, sút - 96%, - dep jazady mınıstrlik mamandary.
Sondaı-aq, vedomstvodaǵylar shoshqa sharýashylyǵyn qoldaýǵa memleketten eshbir sýbsıdııa tólenbeıtinin málim etti.
- Buǵan deıin asyl tuqymdy mal sharýashylyǵyn damytýdy sýbsıdııalaý, mal sharýashylyǵy óniminiń ónimdiligi men sapasyn arttyrý qaǵıdalaryna ózgerister engizý kezinde 2018 jyldan bastap shoshqa eti, jylqy eti, túıe óndirý qunyn arzandatý, 2019 jyldan bastap júndi jáne 2023 jyldan bastap taǵamdyq jumyrtqany sýbsıdııalaý sııaqty taýarlyq-spetsıfıkalyq sýbsıdııalar alynyp tastalǵanyn habarlaımyz, - dep jazylǵan málimette.
Buǵan deıin Joǵary aýdıtorlyq palata elimizde «108 jastaǵy» sıyrǵa sýbsıdııa rásimdelgenin anyqtaǵanyn jazǵan edik.