Memleket jeke kapıtal rólin ózine alýdan bas tartýy qajet – Memleket basshysy
ASTANA. KAZINFORM — Memleket jeke kapıtal rólin ózine alýdan bas tartýy qajet. Bul týraly Úkimettiń keńeıtilgen otyrysynda Memleket basshysy Qasym-Jomart Toqaev aıtty.
- Biz tolyqqandy jańa ınvestıtsııalyq kezeńdi bastaýymyz kerek. Bul – strategııalyq mańyzy bar mindet. Jalpy, qazir eldegi ınvestıtsııalyq ahýal jaqsy dep aıtýǵa bolady. 2022 jyldan beri jınaqtalǵan tikeleı ınvestıtsııa kólemi 84 mıllıard dollardan asty. Negizgi kapıtalǵa salynǵan ınvestıtsııa shamamen 50 paıyzǵa artty. Biraq byltyr elimizge tartylǵan tikeleı ınvestıtsııanyń kólemi ósse de, onyń qarqyny áli de baıaý bolyp tur, - dedi Prezıdent.
Qasym-Jomart Toqaev memleket jeke kapıtal rólin ózine alýdan bas tartýy qajettigin basa aıtty.
- Jeke kapıtal tartýǵa qolaıly jaǵdaı jasaý úshin biraz eńbektený qajet. Al qarjyny qazynadan alyp, ony ınvestıtsııa dep kórsete salý áldeqaıda ońaı. Aýyrdyń ústimen, jeńildiń astymen júrmeı, naryqtyq ekonomıka qaǵıdattaryna baǵyný qajet, - dedi Memleket basshysy.
Buǵan deıin Prezıdent salyq júıesin jappaı tsıfrlandyrýǵa shuǵyl kirisken jón ekenin aıtqan edi.
