Memleket jaýapkershilikti halyqpen bólisip jatyr- Samat Nurtaza
Onyń aıtýynsha, Memleket jaýapkershilikti halyqpen bólisip jatyr.
«Mysaly, buryn aýylǵa oblystan nemese Astanadan bir ákimdi jiberetin, ıaǵnı aýyl turǵyndary qalasa da, qalamasa da sol adam ákim bolatyn. Ol adam aýyldyń jaǵdaıyn bile me, bilmeı me bul jaǵy eskerýsiz qalatyn. Qazir jaǵdaı ózgerdi. Endi aýyl halqy ózderiniń ishinen ákim saılap ala alady. Erteń sol adam qyzmetin tıisti deńgeıde alyp júre almasa, onda aýyl adamdary bılikke renjı almaıdy. ıAǵnı, aýyl ákimderin saılaý- bıliktiń halyqpen jaýapkershilikti bólisýi»,-deıdi Samat Nurtaza.
Sonymen qatar, ol saılanǵan ákimderdiń bir paıyzy jumysyn alyp kete almasa, bárine kúıe jaǵylatynyn atap ótti.
«Statıstıka júginer bolsam, Qazaqstanda 770-ten astam aýyl bar eken. Biz bárine daıyn bolýymyz kerek. Eger saılanǵan ákimderdiń 99 paıyzy jumys istep ketip, qalǵan bir paıyzy ózine júktelgen mindetti alyp júre almasa, jemqorlyqpen ustalsa, onda kúıe bárine jaǵylady. Sondyqtan, saılanatyn ákimderge artylatyn júk aýyr»,- deıdi sarapshy.
Spıker aýyl ákimderin saılaýdaǵy jańashyldyqty qoldaıtynyn atap ótti.
«Durys joba, durys qadam. Aýyl ákimderi saılanýy kerek, aýdan ákimderi saılanýy kerek. Meni biraq bir nárse mazalaıdy, ol- rýshyldyq. Bizdiń qoǵamda ókinishke oraı ol bar. Sondyqtan saılanatyn adamnyń bıografııasy men geografııasyna emes onyń iskerligine qaraý kerek»,-dep qortyndylady ol.
Eske salsaq, 25 mamyrda Prezıdent Qasym-Jomart Toqaev saılaý týraly Konstıtýtsııalyq zańǵa ózgertýler men tolyqtyrýlar engizýdi kózdeıtin qujatqa qol qoıǵan bolatyn.
Ulttyq ekonomıka mınıstrligi aýyl ákimerin tikeleı saılaý qalaı ótetindigin jáne QR Prezıdenti Ákimshiligi Basshysynyń orynbasary Málik Myrzalın ákim saılaýyna túsetin kandıdattarǵa qoıylatyn talaptardyń sebebin túsindirdi.
Sondaı-aq, Memleket basshysy aýyl ákimderin saılaý máseleleri jóninde keńes ótkizdi.
