Memleket jáne qoǵam qaıratkeri B.Áshimov ómirden ótti
ALMATY. Aqpannyń 5-i. QazAqparat / Ádilet Musahaev / - Almatyda memleket jáne qoǵam qaıratkeri, 1970-1984 jyldary Qazaq KSR Mınıstrler Keńesiniń tóraǵasy, 1984-1985 jyldary Qazaq KSR Joǵarǵy Keńesi Tóralqasynyń tóraǵasy bolyp qyzmet istegen Báıken Áshimov 93 jasynda ómirden ótti.
B. Áshimov burynǵy Aqmola oblysy, Kókshetaý ýezi, Aıyrtaý bolysynyń Shabaqbaı aýylynda 1917 jyly 10 tamyzda dúnıege kelgen. Memleket jáne qoǵam qaıratkeri, Sotsıalıstik Eńbek Eri. Petropavlda aýyl sharýashylyǵy tehnıkýmyn, Lenıngrad qoldanbaly zoologııa ınstıtýtyn, SOKP OK janyndaǵy Joǵary partııa mektebin bitirgen. Uly Otan soǵysynyń ardageri. 1961-70 jyldary Qaraǵandy jáne Taldyqorǵan oblystaryna basshylyq etken. 1970-84 j. Qazaq KSR Mınıstrler Keńesiniń tóraǵasy boldy. Lenın, 2 ret Eńbek Qyzyl Tý, Qyzyl Juldyz, 1-shi dárejeli Otan soǵysy ordenderimen jáne medaldarmen shet el ordenderimen marapattalǵan.
