«Memleket jáne din» atty jańa jýrnal jaryq kórdi - Q. Lama Sharıf
ASTANA. 16 qarasha. QazAqparat /Rýslan Ǵabbasov/ - «Memleket jáne din» atty jańa jýrnal jaryq kórdi. Bul týraly búgin Qazaqstan dintanýshylarynyń birinshi forýmynda QR Din isteri agenttiginiń tóraǵasy Qaırat Lama Sharıf aıtty.
«Búgin Din isteri agenttigi dintanýshylardyń alǵashqy forýmynda «Memleket jáne din» atty jańa jýrnaldy tanystyrdy,-dedi ol.
Tóraǵanyń sózine qaraǵanda, bul basylymda ózekti maqalalar, memlekettik qurylymdar men zııaly qaýym ókilderiniń baıandamalary, suhbattar jarııalanatyn bolady.
«Bul jýrnaldyń din men konfessııalar qatynastary salasyndaǵy memlekettik saıasattyń máseleleri boıynsha aýmaqtarda dinı ahýaldan habardar bolýy úshin óz úlesin tıgizetinine úmittimiz»,-dedi Q. Lama Sharıf.
