Memleket zańsyz temeki aınalymynan 3 mlrd teńge joǵaltady - sarapshy

ALMATY. QazAqparat - Zańsyz temeki aınalymynan memleketke 3,3 mlrd teńge kiris kirmeıdi. Mundaı esepti «Kıpr» saraptamashylar tobynyń jetekshisi Erlan Smaıylov aıtty, dep habarlaıdy QazAqparat tilshisi.

«Men zańdy naryqtaǵy memleket kirisine kirmegen 1 paıyzdy eseptep kórdim. Eger 2016 jylǵy naryqtaǵy jaǵdaı boıynsha eseptesek, temeki aınalymynyń 1 paıyzy shamamen 22-23 mlrd dana temeki. Ol 11 mln qorap bolady. Temekiniń ortasha baǵasy shamamen 300 teńge desek, 1 paıyz shamamen 3,3 mlrd teńge bolady», - dedi Smaıylov.

Sonymen qatar, sarapshy aktsız ben qosymsha qun salyǵy boıynsha joǵalǵan qarajatty eseptegen.

Smaıylovtyń málimetine súıensek, bul jaǵdaıda aktsızder boıynsha memleketke 1,3 mlrd teńge kiris kirmegen, al qosymsha qun salyǵy boıynsha memleket 350 mln teńge joǵaltqan. 

Aıta keteıik, búgin QR Qarjy mınıstrliginiń memlekettik kirister komıtetine (MKK) qarasty ekonomıkalyq tergeýler qyzmetiniń qyzmetkerleri Ońtústik Qazaqstan oblysy Aqsýkent aýylynda kontrafaktili temeki shyǵaratyn iri óndiristi áshkerelep, japqanyn habarlaǵan bolatynbyz .

Vedomstvo derekterine súıensek, mundaı aýqymdaǵy fabrıka Qazaqstanda alǵash ret áshkerelenip otyr.