Memleket zańsyz sottalǵan elordalyqqa 1 mln tóleıdi
NUR-SULTAN. QazAqparat – Qylmystyq jaýapkershilikke zańsyz tartylǵan elorda turǵynyna respýblıkalyq bıýdjet esebinen 1 mln teńge ótemaqy tólenedi. Bul týraly qalalyq sottan málim etti, dep habarlaıdy QazAqparat.
«2017 jyly quqyqqorǵaý organdary azamat B.-ǵa qatysty bes aı boıy sotqa deıingi tergep-tekserý amaldaryn júrgizdi. Jáne ol tergeý sharalaryna kúdikti, aıypty retinde qatysqan. Keıin sottalýshy retine sotqa berildi. Saldarynan onyń ózine jáne otbasynyń múshelerine moraldyq zııan keltirildi. Aýdandyq sottyń úkimimen azamat B. is-áreketinde qylmys quramynyń bolmaýyna baılanysty qylmystyq zań buzýshylyqtardy jasaýda kinásiz dep tanyldy. Oǵan qylmystyq jaýapkershilikke zańsyz tartylýdan keltirilgen zııan ótelýi tıistigi sheshildi», - delingen qalalyq sottyń aqparatynda.
Málim etilgendeı, QR Azamattyq kodeksiniń 923-baby 1-tarmaqshasyna sáıkes memleket elorda turǵynyna keltirilgen zııandy tolyq kólemde ótep berýge mindetti.
«Esil aýdandyq sotynyń sheshimimen respýblıkalyq bıýdjet esebinen azamat B.-nyń paıdasyna 1 mln teńge kólemindegi moraldyq ótemaqy tólenedi. Sheshimdi oryndaý QR Qarjy mınıstrligine júkteldi. Sheshim zańdy kúshine endi», - dedi vedomstvodan.
