Memleket ulttyń ál-aýqatyn jalpy jurtshylyqty qor naryǵyna qatystyrý arqyly kóterýge múddeli- Á. Arystanov
ALMATY. 24 qarasha. QazAqparat /Erlik Erjanuly/ - Memleket ulttyń ál-aýqatyn jalpy jurtshylyqty qor naryǵyna qatystyrý arqyly kóterýge múddeli. Bul týraly búgin Almatyda ótip jatqan «Qazaqstannyń qor naryǵy. KASE-degi ІRO» forýmynda QR Almaty qalasy óńirlik qarjy ortalyǵy qyzmetin retteý agenttiginiń tóraǵasy Árken Arystanov aıtty.
«Qor bırjasynda aldymen ulttyq kompanııalardyń aktsııalaryna baǵa belgilenimi, aǵashqy kezekte - kógildir fıshkalar jasalady. Kógildir fıshkalar baǵdarlamasy elimizde 1990-jyldardyń ortasynan bastaldy. Alaıda ekonomıkalyq ósim qarqyny ol kezde jetkiliksiz bolyp, ekonomıkada turaqtylyq bolǵan joq. Qazir oǵan obektıvti jáne sýbektıvti alǵysharttar jasaldy. Sondaı-aq qor naryǵynda qajetti ınfraqurylym qalyptasty. Sheteldik ınvestorlarmen kezdesken saıyn olardyń qyzyǵýshylyǵyn sezinemiz», dedi Á. Arystanov.
Onyń aıtýynsha, qazir iri ǵana emes, orta ınvestordyń da ekonomıkalyq belsendiligi ósip kele jatyr. Al halyq qolyndaǵy aqshasyna baǵaly qaǵazdar satyp alýǵa daıyn. Oǵan memleket te múddeli bolyp otyr. Ońtústik-Shyǵys Azııa men keıbir Shyǵys Eýropa elderiniń jaqsy úlgileri de bar.
