Memleket ulttyq valıýtaǵa qoldaý jasaıdy - Q. Kelimbetov
ASTANA. QazAqparat - Memleket ulttyq valıýtaǵa qoldaý jasaıdy. Bul týraly KTK telearnasynyń «Halyq qyzmetshisi» baǵdarlamasyna suhbat bergen QR Ulttyq bankiniń tóraǵasy Qaırat Kelimbetov málim etti.
Ulttyq bank tóraǵasy ekonomıkany dollarsyzdandyrý máselesine toqtala kele, jospar basty úsh baǵytqa negizdelgenin, birinshi baǵyt - makroekonomıkalyq turaqtylyqty qamtamasyz etý ekendigin, ekinshi baǵyt - qolma-qol aqsha operatsııalaryn azaıtyp, kóleńkeli aınalymdy tómendetý, sondaı-aq úshinshi baǵyt - ulttyq valıýtanyń sheteldik valıýtaǵa qaraǵanda basymdyǵyn kóterý ekendigin atap ótti.
Onyń sózine qaraǵanda, elimizdegi 17 mln. tólem kartochkalary operatsııalarynyń 80 paıyzy bankomatqa kelip, aqshany qolma-qol alýǵa baılanysty kórinedi.
«Dollarsyzdandyrý bir kúnde sheshiletin másele emes. Bul turǵyda zańnamany ózgertý, normatıvtik-quqyqtyq aktilerge tolyqtyrýlar engizý, qarjylyq saýattylyq jáne basqa da qadamdar qamtylady. Osy jumystar iskerlik tájirıbe. Kem degende 3-5 jylda osy sharalar júzege asyrylady. Barsha álemde qolma-qol aqsha operatsııalarymen kúres júrip jatyr. Máselen, bizde qolma-qol aqshamen tólemderdiń deńgeıi 93 paıyzdy qurasa, keıbir eýropalyq elderde qolma-qol aqshamen emes tólemder 90 paıyzdan asyrdy», - dep toqtaldy Q. Kelimbetov.
2017 jyldan bastap Qazaqstanda tabystardy jalpylama deklaratsııalaý iske qosylatyndyǵyn eske salyp ótken ol osy oraıda sol kezde halyqta deklaratsııalanbaǵan múlikti nemese qarjyny ıemdený múmkin bolmaıtyndyǵyn atap ótti .
«Bul turǵyda memleket zańdastyrý túrinde jaqsy múmkindik jasap otyr. Atap aıtqanda, aqshamen jumys isteýde jańa mádenıetke kóshý úrdisi júrip jatyr. ıAǵnı, jańa salyqtyq mádenıetke, tólemderdiń jańa mádenıetine betburys kózdelip otyr», - dedi UB basshysy.
Sonymen qatar ekonomıkadaǵy yntalandyrý sharalaryna toqtalǵan Kelimbetov qazirgi kezde tek teńge boıynsha depozıtterge kepildendirý kólemi 5-ten 10 mln. teńgege deıin artqandyǵyn atap ótti.
