Memleket te salynatyn ǵımarat sapasyna jaýapty bolady
ASTANA. KAZINFORM — Memleket Bas sáýlet-qurylys baqylaý basqarmalary arqyly elimizde salynatyn ǵımarattardyń sapasy úshin ortaq jaýapkershilik arqalaıdy. Bul týraly Ónerkásip jáne qurylys mınıstri Ersaıyn Naǵaspaev aıtty.
— Endi túptep kelgende ǵımaratty qabyldaıtyn jáne ony paıdalaný barysynda qandaı da buzýshylyqtar oryn alǵan kezde suraý salynatyn tapsyrys berýshi men merdigerden bólek memlekettik organnyń da ortaq jaýapkershiligi bolady. Ol da dál sondaı jaýapkershilik arqalaıdy, — dedi ol Májilistiń jalpy otyrysynan keıin BAQ ókilderiniń saýalyna oraı.
Onyń aıtýynsha, endigi ýaqytta memleket tys qalyp, protsesti baqylamaıtyndaı jaǵdaı bolmaıdy.
— ıAǵnı, eger ǵımaratta qandaı da bir buzýshylyqtar nemese kemshilikter bolsa, onda memleket te Bas-sáýlet qurylys baqylaý basqarmalary arqyly jaýapty bolady, — dedi Ersaıyn Naǵaspaev.
Aıta keteıik, búgin Májilistiń jalpy otyrysynda Qurylys kodeksiniń jobasy men ilespe qujat birinshi oqylymda maquldandy.