Memleket tarıhy ınstıtýty Qazaqstannyń kórnekti ǵalymdary týraly kitaptar serııasyn basyp shyǵardy
ASTANA. 4 qańtar. QazAqparat - Astanada Ulttyq akademııalyq kitaphanada Memleket tarıhy ınstıtýty ǵalymdarynyń jańadan jazylǵan kitaptarynyń tusaýkeseri ótti.
Іs-sharaǵa QR Prezıdenti Ákimshiliginiń, Bilim jáne ǵylym mınıstrliginiń ókilderi, qoǵam qaıratkerleri, tarıhshy-ǵalymdar, JOO oqytýshylary, JOO stýdentteri, mektep muǵalimderi, BAQ ókilderi qatysty, dep habarlady QR BǴM Memleket tarıhy ınstıtýtynan.
«Uly dala tulǵalary» serııasymen shyqqan kitaptar QR BǴM «Ǵylymı qazyna» atty salalyq baǵdarlamasy aıasynda basyldy. Bul serııanyń maqsaty - Qazaqstan tarıhynyń kórnekti qaıratkerleri týraly bilim men tarıhı faktilerdi kópshilikke taratý.
Memleket tarıhy ınstıtýty qyzmetkerleri bul serııany Qazaqstan Respýblıkasy Prezıdenti N.Á. Nazarbaevtyń ómirbaıanynan bastady. «Nýrsýltan Nazarbaev ı kazahstanskaıa model stroıtelstva gosýdarstva (ıstorıcheskıı aspekt)» kitaby Elbasynyń KSRO-nyń quldyraýy jáne Táýelsiz Qazaqstannyń qalyptasýy sııaqty úlken tarıhı dáýirleri kezindegi qyzmetin zertteýge arnalǵan.
Al «Álimhan Ermekov» ǵylymı basylymy Alash qozǵalysynyń kóshbasshylarynyń biri jáne Alash partııasyna, Alash Orda úkimeti múshesi Álimhan Ábeýuly Ermekovke arnalǵan. «Jumabek Tashenev» kitabynda qazaq halqynyń kórnekti ókiliniń ómiri men qoǵamdyq-saıası qyzmeti týraly baıandalady.
Memleket tarıhy ınstıtýtynyń ǵylymı ujymy halyqaralyq ǵylymı yntymaqtastyǵy jobalaryn sátti iske asyrýdyń nátıjesi Qazaqstandaǵy Bolgarııa Elshiligimen birlese bolgar tilinde basylyp shyqqan «Nursultan Ábishuly Nazarbaev - táýelsiz memlekettiń negizin qalaýshy» atty kitaby. Elbasy eńbekterin júıeleý úshin, ol týraly jáne qazirgi Qazaqstan týraly ádebıet «Nursultan Nazarbaev jáne Táýelsiz Qazaqstan: bıblıografııalyq kórsetkish (1991-2012)/ Nýrsýltan Nazarbaev ı Nezavısımyı Kazahstan (1991-2012)» kitabynyń 2-shi tolyqtyrylǵan basylymy daıyndaldy.
"Atalmysh baǵdarlama aıasynda 10 basylym jaryq kórdi, sonyń ishinde Nursultan Nazarbaevtyń bolgar tilindegi kitaby da bar. Osy arqyly biz halyqaralyq deńgeıge shyǵýdy josparlaýdamyz. Sonymen qatar ótken júzjyldyqtyń 30-shy jyldaryndaǵy asharshylyq aqıqaty jaıynda jazylǵan eńbekti atap ótken jón. Bul bolşevıkterdiń agrarlyq saıasat salasyndaǵy jasaǵan eksperımentiniń zardaby", - dedi kitaptardyń tusaýkeser rásiminde Memleket tarıhy ınstıtýtynyń dırektory Búrkit Aıaǵan.
Qazaq tilindegi úsh tomdyq «Qazaqstannyń jańa tarıhy» atty ǵylymı-kópshilik jáne «Qazaqstan Respýblıkasy Memlekettik rámizderiniń qalyptasý tarıhy. Istorııa formırovanııa Gosýdarstvennyh sımvolov Respýblıkı Kazahstan» atty basylymdarda Qazaqstannyń táýelsizdigi resmı rámizderin jasaý jumystaryndaǵy Memleket basshysynyń róline erekshe kóńil aýdarylǵan. Kitapta memlekettik rámizderiniń avtorlary jaıly málimetter jáne olardyń alǵashqy nusqalarmen jumystary týraly estelikteri keltirilgen. Barlyq basylymdar jańa ádistemelik kózqarasta jazylǵan, bul Memleket tarıhy ınstıtýty ujymynyń Qazaqstannyń jańa tarıhyn zertteýge qosqan úlesteri bolyp tabylady.
