Memleket tarapynan jyl saıyn eń tómengi baǵamen astyq satyp alý mólsheri kepildendirilip otyrýy shart - depýtat R. Madınov
TANA. 10 qazan. QazAqparat /Qanat Mámetqazyuly/ - Memleket tarapynan jyl saıyn eń tómengi baǵamen astyq satyp alý mólsheri kepildendirilip otyrýy shart.
Búgin QR Parlamenti Májilisinde «Astyq salasy: jaǵdaıy men perspektıvalary» atty taqyrypta ótken Úkimet saǵatynda qosymsha baıandama jasaǵan Agrarlyq máseleler komıtetiniń tóraǵasy, depýtat Romın Mádınov osylaı málim etti.
Depýtattyń paıymynsha, astyq ónimdiligine qaraı memleket tarapynan jyl saıyn eń tómengi baǵamen satyp alý mólsheri kepildendirilip otyrýy shart. «Astyq máselesi týyndaǵan sońǵy 2-3 jylda osylaı bolyp ta jatyr. Degenmen, biz bundaı tájirıbeni árbir jylǵa baılanysty qaramastan-aq, naqty bekitýge tıispiz. Sharýalar tym bolmaǵan jaǵdaıda eń tómengi baǵamen memleket óziniń astyǵyn satyp alatynyn bilýleri kerek», - dedi R. Mádınov.
Bul rette depýtat belgilengen eń tómengi baǵa astyq egisine qatysty barlyq shyǵyndardy óteýi tıistigin da alǵa tartty.
