Memleket pen bıznes azamattardyń densaýlyǵynan únem jasamaýy tıis - Toqaev
NUR-SULTAN. QazAqparat - Memleket te, bıznes te azamattardyń densaýlyǵynan únem jasamaýy tıis. Bul týraly Tótenshe jaǵdaı rejımin qamtamasyz etý jónindegi memlekettik komıssııanyń otyrysynda Memleket basshysy Qasym-Jomart Toqaev aıtty, dep habarlaıdy QazAqparat tilshisi.
«Jumyspen qamtý jol kartasy» baǵdarlamasy sharttarynyń biri taýarlardyǵ jumystar men qyzmetterdiń otandyq óndirýshilerden keminde 90 paıyz kóleminde satyp alynýy sanalady. Bazalyq materıaldar boıynshaotandyq óndiris ishki naryqty qajettiligin jaba alatyndyǵyn atap ótken oryndy. Olar mynadaı taýarlar: tsement, taýarlyq beton, gıps, qurylys eritindileri, gıpsokarton. Bizde 12 tsement, 27 kirpish zaýyty, 3 armatýra óndirýshi, 5 boıaý óndirýshi, 10 qurǵaq qurylys qospalaryn óndirýshi, 1 kereamıkalyq buıymdar zaýyty jums isteıdi. Árbir óńirde taýarlyq beton men beton buıymdaryn óndirýshiler bar»,- dedi Memleket basshysy.
Prezıdenttiń atap ótýinshe, qurylys materıaldardyń baǵasyna qatysty da másele ózekti. Qurylys jobalaryndaǵy shyǵyndardyń mundaı túri 60 paıyzdan astamdy quraıdy.
«Bazalyq materıaldardyń qunyna laıyqty baqylaýdyń bolmaýy alypsatarlyq pen bıýdjet qarajatynyń tıimsiz paıdalanýǵa alyp keledi. Memlekettik komıssııa ákimdermen birlesip, Jumyspen qamtý jol kartasy aıasyndaǵy jumystar júrgizýdiń qaýipsizdigi máselesin sheshýi tıis. Turatyn oryndar, tamaq daıyndaıtyn jáne ishetin oryndar, sanıtarlyq jeliler jáne basqalary sanıtarlyq-epıdemıologııalyq normalarǵa saı bolýy jáne únemi sanıtarlyq óńdeýden ótip turýy tıis. Memleket te, bıznes te azamattardyń densaýlyǵynan únem jasamaýy tıis. Bólinetin qarajat pen júzege asyrylatyn jobalar arnaýly toptyń qatań baqylaýynda bolady. Prezıdent Ákimshiligine atalǵan toptyń quramy men jumys tártibin anyqtaýdy tapsyramyn», - dedi Qasym-Jomart Toqaev.