Memleket paıdasyna 1 mln. 700 myń dollardyń zergerlik buıymdary qaıtaryldy
ASTANA. QazAqparat - Memleket paıdasyna 1 mln. 700 myń dollardyń zergerlik buıymdary qaıtaryldy, dep habarlady «QazAqparat» tilshisine Astana qalasy sot aktilerin oryndaý departamenti baspasóz qyzmetinen.
Habarlamada atap kórsetilgenindeı, departamenttiń sot aktilerin oryndaý jáne daýly múlikterdi bólý bólimine Astana qalalyq №2 Esil aýdandyq sotynyń sheshiminiń negizinde memleketke jalpy salmaǵy 42,9 keli bolatyn 15 786 dana zergerlik buıymdardy qaıtarý jóninde atqarý óndirisi kelip túsken.
Qazirgi ýaqytta departamenttiń sot oryndaýshylary atalmysh baǵaly zattardy tirkeý jáne túgendeý jumystary jasalýda. Olar óz kezeginde bunyń aldynda QR Ulttyq bankiniń baǵaly zattardy saqtaý ortalyǵyna joldanǵan bolatyn.
«Zergerlik buıymdardyń ortasha baǵasy - 174 282 294 teńge nemese 1 700 000 AQSh dollary», - delingen habarlamada.
