Memleket óz azamattarynyń densaýlyǵyn jaqsartý úshin barlyǵyn jasaýda - QR densaýlyq saqtaý vıtse-mınıstri
ASTANA. Shildeniń 15-i. QazAqparat /Asqar Bımendın/ - Memleket el azamattary sapaly medıtsınalyq qyzmetti keń aýqymda alýy úshin barlyǵyn jasaýda. Bul týraly QR densaýlyq saqtaý vıtse-mınıstri Salıdat Qaıyrbekova astanalyq jedel medıtsınalyq kómek (JMK) respýblıkalyq ortalyǵy janynda qurylǵan Qazaq kóz aýrýlary ǵylymı-zertteý ınstıtýtynyń saltanatty ashylýynda aıtty.
«Astana qalasynda jetekshi oftalmologııalyq ortalyq bólimshesiniń ashylýy - kózge kúrdeli operatsııa jasaý úshin Almaty qalasyna qandaı da bir sebeptermen bara almaıtyn eldiń ortalyq jáne soltústik aımaqtarynyń turǵyndaryna úlken kómek bolmaq», - dep atap ótti S.Qaıyrbekova.
