Memleket múddesi men el ıgiligi jolynda qyzmet etýden artyq baqyt bolǵan emes – N. Nazarbaev
ASTANA. 28 qańtar. QazAqparat /Qanat Mámetqazyuly/ - Memleket múddesi men el ıgiligi jolynda qyzmet etýden artyq baqyt bolǵan emes. Búgin QR Parlamenti palatalarynyń birlesken otyrysynda Qazaqstan halqyna arnaǵan Joldaýynda Memleket Basshysy Nursultan Nazarbaev osylaı málimdedi.
«Aldymyzda atqarylar qyrýar ister bar ekeni búgingi Joldaýymda tolyq baıandaldy. Bul jolda bizdiń eń basty qundylyǵymyz - berekeli birligimiz. Men aýyzbirshilikten aınymaıtyn aqjúrek jurtymnyń qýatty ultqa, shýaqty ulysqa aınalaryna kámil senemin. Halqymyzda «Baq bererde elge yrys qonady, ustanǵan joly durys bolady» degen danalyq sóz bar. Biz búgingi Joldaý arqyly mereıli belestegi atqarǵan isterimizdi qorytyndylap, bolashaqqa baǵdar jasadyq»- , degen Memleket Basshysy jıynǵa qatysýshylarǵa alǵysyn jetkizdi.
«Barshańyzǵa el ıgiligi men memleket múddesi jolyndaǵy abyroıly isterińizde mol tabys tileımin. Merekeli kúnderge jetkizgen berekeli tirligimiz baıandy bolsyn, aǵaıyn!», - dedi Elbasy.
