Memleket múddelerine alaıaqtardyń keltirip jatqan zalaly aıtarlyqtaı - Qarjy polıtsııasy
ASTANA. Mamyrdyń 20-sy. QazAqparat /Ernur Aqanbaı/ - Memleket múddelerine alaıaqtardyń keltirip jatqan zalaly aıtarlyqtaı. Osyndaı faktilerdiń kópshiligi memlekettik satyp alý salasynda tirkelip otyr.
Bul týraly búgin Astanadaǵy brıfıngte QR Ekonomıkalyq qylmysqa jáne sybaılas jemqorlyqqa qarsy kúres agenttiginiń (qarjy polıtsııasy) resmı ókili Murat Jumanbaı málim etti.
«Astana qalasynda árbireýi 5 jyl bas bostandyǵynan aıyrýǵa Omarov pen Ismaılov sottaldy. Olar Ózbekstan Respýblıkasynyń jalǵan tólqujattaryna kásiporyn tirkep, Ońtústik Qazaqstan oblysynyń Órt sóndirý jáne qutqarý jumystary qyzmetin janar-jaǵarmaımen qamtamasyz etý boıynsha tenderdi utyp alǵan. Nátıjesinde sottalǵandar ózderine alǵan mindettemelerdi oryndamaı, memleketke 20,7 mln. teńge zalal keltirgen», dedi brıfıngte M. Jumanbaı.
Resmı ókil Shyǵys Qazaqstan oblysynda «Edaks» JShS dırektorynyń isi sotqa tapsyrylǵanyn atap ótti. Oǵan memlekettik satyp alý konkýrsy boıynsha komıssııa múshelerin ózinde medıtsınalyq qaldyqtardy joıý quraly bar dep aldaý arqyly memlekettiń 40 mln. teńgesin urlady degen aıyp taǵylǵan.
