Memleket meshit salý úshin ótkiziletin qaıyrymdylyq is-sharalardy qadaǵalaı ma
ASTANA. QazAqparat – Meshit salý úshin ótkiziletin qaıyrymdylyq is-sharalaryn baqylaý Aqparat jáne qoǵamdyq damý mınıstrliginiń quziretine kirmeıdi. Bul týraly atalǵan vedomstvodan málim etti, dep habarlaıdy QazAqparat tilshisi.
«Dinı qyzmet jáne dinı birlestikter týraly» Zańǵa jáne «Qaıyrymdylyq týraly» Qazaqstan Respýblıkasy Zańynyń 6-babyna sáıkes, qaıyrymdylyqpen aınalysatyn qaıyrymdylyq sýbektileri isine memlekettiń, al memleket isine qaıyrymdylyq sýbektileriniń zańsyz aralasýyna, olarǵa memlekettik organdardyń fýnktsııalaryn júkteýge jol berilmeıtindigi kórsetilgen. Osyǵan oraı, meshitter salý boıynsha qaıyrymdylyq is-sharalaryn baqylaý mınıstrliktiń quzyretine kirmeıdi. Sonymen qatar, Zańnyń 10-babyna sáıkes, dinı birlestikter qaıyrymdylyqty júzege asyrýǵa jáne qaıyrymdylyq uıymdaryn ashýǵa quqyly», - dep atap ótedi mınıstrlikten agenttiktiń resmı saýalyna bergen jaýabynda.
Sonymen qatar vedomstvo el aýmaǵyndaǵy barlyq meshit Qazaqstan musylmandary dinı basqarmasy – Respýblıkalyq ıslamı dinı birlestiginiń menshiginde ekendigin jáne onyń fılıaly retinde ádilet organdarynda tirkelgenin atap ótedi.
