Memleket menshigine 946 myń gektar jer qaıtaryldy - Bas prokýratýra
TANA. 21 shilde. QazAqparat - Aǵymdaǵy jarty jyldyń ishinde Qostanaı oblysy prokýrorlarymen memleket menshigine 946 myń gektar jer qaıtaryldy.
Bul týraly QR Bas prokýratýrasynyń baspasóz qyzmetinen habarlandy.
Baspasóz qyzmetiniń habarlaýynsha, bıýdjet qarjysyn maqsatty paıdalaný zańdylyǵyna tekserý júrgizý barysynda prokýratýra organdary 29 memlekettik satyp alý konkýrsy nátıjesiniń kúshin joıǵan. Sóıtip 3 mlrd. teńgeni zańsyz jumsaýdyń joly kesildi. Mysaly, memleket menshigine quny 15-ese tómendetilip «VAN» JShS-na satylǵan, jalpy somasy 15-mln.teńge turatyn temirjol taraýy qaıtaryldy.
«Jer zańdylyǵynyń saqtalýy máseleleri boıynsha prokýrorlarmen 224 zań buzýshylyq anyqtalyp, 39 laýazymdy tulǵa jaýapkershilikke tartyldy. Sonymen qatar, memleket menshigine 946 myń gektar jer qaıtaryldy. Onyń ishinde Qostanaı qalasynda 121 gektar jer boıynsha memleket paıdasyna onyń satylý baǵasy retinde 17,2 mln. teńge quraıtyn quny óndirildi», - delingen baspasóz aıǵaǵynda.
