Memleket mal sharýashylyǵyn sýbsıdııalaý boıynsha bereshekti tolyq óteıdi
NUR-SULTAN. QazAqparat - Memleket sharýalarǵa mal sharýashylyǵyn sýbsıdııalaý boıynsha 36,8 mlrd teńge bereshek. Bul týraly búgin Úkimet otyrysynda QR Aýyl sharýashylyǵy mınıstri Saparhan Omarov aıtty, dep habarlaıdy QazAqparat tilshisi.
«Úkimettiń ınvestıtsııalyq sýbsıdııalar boıynsha 28,5 mlrd teńge somasyndaǵy boryshty jabýǵa qoldaý kórsetkenine alǵys bildirgim keledi. Sonymen qatar, bizde mal sharýashylyǵyn sýbsıdııalaý boıynsha 36,8 mlrd teńge somasynda bereshek bar», - dedi Saparhan Omarov.
Sondaı-aq, mınıstr ınvestıtsııalyq sýbsıdııalar boıynsha 11,7 mlrd teńge somasyndaǵy borysh qaldyǵy bar ekendigin atap ótti.
«Osy sýbsıdııalarǵa degen qosymsha qajettilik birneshe jyldan beri jyldan jylǵa sozylyp keledi. Qoldaýyńyzdy suraımyz, óıtkeni bıznes memlekettik qoldaýǵa senim bildirdi. Ózderiniń bıznes-josparlarynda osy sýbsıdııalarǵa arqa súıeı otyryp, agroónerkásiptik keshenge ınvestıtsııa saldy», - dedi ol.
