Memleket qujaty joq balalardy rásimdeýdi jeńildetýi kerek - Zúlfııa Baısaqova
ALMATY. QazAqparat - Almatyda balalardyń quqyǵyn qorǵaý jóninde baspasóz máslıhaty ótti. Jıyn barysynda «Daǵdarys ortalyqtary odaǵy» zańdy tulǵalar birlestiginiń tóraıymy Zúlfııa Baısaqova bala sanyn arttyrý úshin qandaı sharalar atqarý kerektigin aıtty, dep habarlaıdy QazAqparat tilshisi.
«Bizdiń ortalyqtaǵy 30 balanyń úsheýiniń qujaty joq. Sonymen qatar, bir jas ananyń qujaty joq. Sebebi, ol - basqa eldiń azamaty. Biraq, balalary Qazaqstanda týylǵan. Qujattary úıinde urys-keris kezinde jyrtylǵan. Endi ol qujat jasatý úshin shetelge ketýi kerek. Osy jaǵdaıda ne isteýge bolady? Biz Qazaqstanda týǵan balalardyń sanyn kóbeıtkimiz keledi. Biraq, Qazaqstanda týsa da, kýáligi joq balalardyń qujatyn rásimdeýge esh áreket jasamaımyz», - dedi Z.Baısaqova.
Onyń aıtýynsha, bul máseleni sheshý úshin qujat rásimdeý protsesin jeńildetý kerek.
«Balalardyń qujatyn rásimdeýmen ІІM aınalysatynyn bilemiz. Tek parlament músheleri erekshe úlgidegi qujatty bekitýge ruqsat berýi kerek. Onda balanyń aty-jóni men ákesiniń atynyń ornyna ata-anasy aıtqan derek jazylýy tıis. Týystyqty dáleldeıtin qosymsha saraptama jasatýǵa bolady. Osynyń arqasynda bul balalar da eldegi barlyq balalar sııaqty áleýmettik kómekti ala alady», - dedi Z.Baısaqova.
Búginde Qazaqstanda 5 623 387 bala ómir súrip jatyr. Onyń ishinde ul balalar úlesi 51% bolsa, qyz balalar - 49%. QR Statıstıka komıtetiniń málimetinshe, balalardyń 47%-y aýyldyq jerde turyp jatyr.
