Memleket kólik satyp alý úshin qazaqstandyqtarǵa jeńildetilgen nesıe usynbaq

ASTANA. QazAqparat - QR Úkimeti avtokólik satyp alý úshin qazaqstandyqtarǵa jeńildetilgen nesıeleýge qarjy bólmek. Bul týraly búgin Ortalyq kommýnıkatsııalar qyzmetindegi brıfıngte QR Qarjy vıtse-mınıstri Rýslan Dálenov málim etti.

«Nurly jol» baǵdarlamasyn júzege asyrýdan bolatyn jetistikter máselesine toqtalǵan ol: «Elimizdiń azamattary jeńildetilgen nesıemen tek otandyq kólikterge qol jetkize alady. Onyń mólsherlemesi 4 paıyzdan aspaıdy jáne 3-5 jyl merzimge negizdelgen. Nesıe teńgemen ǵana beriledi», - dedi mınıstrdiń orynbasary.

Osy oraıda ol bul maqsatta 15 mlrd. teńge bólinetindigin atap ótti. Bul qarjy shamamen 4-6 myń avtokólikti satyp alýǵa jetedi.

«Árıne, kólikterdiń quny men sany tutynýshynyń qandaı model men onyń quramdanýyn tańdaýyna baılanysty bolady», - dep atap ótti vıtse-mınıstr.