Memleket kirisine 24 mln. teńge turatyn kontrabandalyq taýarlar qaıtaryldy - QR Áýe kólik prokýratýrasy
ASTANA. 21 maýsym. QazAqparat - Kólik prokýratýrasy organdary kontrabandalyq jolmen kelgen múlikterdi memleket kirisine ótkizý jónindegi sot úkimderiniń oryndalýyna erekshe kóńil bólýde,
dep habarlaıdy QR Áýe kólik prokýratýrasynyń baspasóz qyzmetinen.
Almaty qalasynyń áýe kólik prokýratýrasy Almaty Sot aktilerin oryndaý departamentine tekseris júrgizdi.
Departamentte sot úkimi shyǵarylǵaly otyrǵan Túrksib aýdanyndaǵy shetel valıýtasynyń ekonomıkalyq kontrabandasy boıynsha 24 mln. teńgeden astam somadaǵy kontrabandalyq múlikter memleket kirisine ótkizilmegen.
Áýe kólik prokýratýrasymen sot sheshimin ýaqytynda oryndaý maqsatynda departamentke uıǵarym engizildi, sotta qaralǵan istiń nátıjesinde aıtylǵan qarajat memleket kirisine qaıtaryldy.
Osy baǵyttaǵy jumystar jalǵasýda.
