Memleket qajettiligi úshin satyp alynǵan jer teliminde úsh balabaqsha salynbaq - Astana
ASTANA. QazAqparat - Qalalyq máslıhattyń kezekten tys 43-shi sessııasynda memleket qajettiligi úshin jer ýchaskelerin satyp alý týraly 16 kelisim jobasy qaraldy.
Astana qalasy máslıhaty zańdylyq, quqyq tártibi jáne qoǵammen jumys isteý jónindegi turaqty komıssııasynyń tóraǵasy Nıkolaı Meşerıakovtyń aıtýynsha, qazirgi kezde jer ıelerimen 16 kelisim jasaldy, qajetti kelisý protsedýralary júrgizildi, dep habarlaıdy astana.kz.
Satyp alynatyn jerlerdiń Komsomolskıı turǵyn alabynda ornalasqan úsheýi balabaqsha salýǵa beriledi. Budan basqa, Saryarqa aýdany aýmaǵynda, Bógenbaı batyr dańǵyly, Kenesary kóshesi, Saryarqa dańǵyly men Kúmisbekov kóshesinde bes jer ýchaskesi satyp alynady. Bular ınjenerlik jeliler tartý úshin paıdalanylady.
Buǵan deıin habarlanǵandaı, shaǵyn aınalma jol salýǵa (Beısekova kóshesi), Baıtursynov kóshesinde jańa mektep qurylysyna, sonymen qatar Mırzoıan jáne № 42 kóshelerde 39 jer ýchaskesi satyp alynady.
