Memleket qajettiligi úshin múligin bergen azamattardyń quqyǵyn qorǵaý kerek - depýtat
ASTANA. QazAqparat - Memlekettik qajettilik úshin ıelikten shyǵarylatyn múliktiń quny durys baǵalanbaı jatyr. Búgin Parlament Májilisiniń jalpy otyrysynda depýtat Magerram Magerramov Úkimet basshysy Baqytjan Saǵyntaevqa joldaǵan depýtattyq saýalynda osy máseleni kóterdi, dep habarlaıdy QazAqparat.
Memlekettik qajettilikterge qoldanystan shyǵarylatyn múlik úshin azamattarǵa ótemaqy ádiletsiz eseptelentindigine alańdaýshylyq bildirgen adamdar tarapynan shaǵymdar túsip jatqanynan toqtalǵan Magerramov, «Bul saýal Úkimet úshin alǵash ret qoıylyp otyrǵan joq. 2014 jyly Parlament depýtattary osy máselege nazar aýdardy, alaıda osyǵan qatysty tıisti sheshim jasaýǵa progressıvti usynystar bolǵan joq. Qazaqstan Konstıtýtsııasynda 26 baptyń úshinshi tarmaǵynda memlekettik qajettilikter úshin múlikti qoldanystan shyǵarý kezinde onyń qunyn teń baǵamen óteý týraly norma jazylǵan. Іs júzinde ókiletti organdar tarapynan qoldanystan alynatyn múlikke tómen ótemaqy bekitiledi. Osy máselege «Memlekettik múlik týraly» zańynyń 67 babynyń ekinshi tarmaǵy belgili bir shıelenisti jaǵdaıdy baıqatyp otyr, sonyń saldarynan bizdiń azamattarǵa qatysty ádiletsizdik oryn alýda»,-dedi.
Onyń sózine qaraǵanda, elimizdiń zańnamasy turǵysynda memlekettik qajettilikterge jer telimin májbúrli ıelikten shyǵarý kezinde menshik ıesiniń tańdaýy boıynsha turǵyn úıdiń naryqtyq quny kóleminde ótemaqy tólenedi nemese menshigine baspana beriledi.
«Alaıda atalǵan norma is júzinde orydalmaı keledi. Aqshalaı ótemaqy kólemimen kelispeıtin kezde azamattardyń quqyqtaryna mán berilmeıdi. Ielikten shyǵarylatyn múlikti baǵalaý ádisteri tıisti aýdandaǵy balamaly baspanany satyp alý shyǵyndaryn jappaıdy»,-dedi depýtat.
Osy oraıda Magerramov Úkimet bul áleýmettik problemaǵa taǵy da nazar aýdarý qajet ekenin atap ótti.
