Memleket kásipkerlerdi jan-jaqty qoldap otyr – Pavlodar turǵyny
NUR-SULTAN.QazAqparat – Pavlodar oblysynda turatyn Svetlana Júnisova 42 500 teńge kólemindegi áleýmettik tólemniń kásipkerler úshin úlken kómek ekenin aıtty, dep habarlaıdy QazAqparat tilshisi.
Svetlana Júnisova Sharbaqty aýdanynyń Maraldy aýylynda turady. Ol 2019 jyldyń basynan beri kásipker retinde aı saıyn BJT tólep kelgen.
«42500 teńge sáýir aıynyń basynda tústi. Bul biz sııaqty kásip ıelerine úlken qoldaý bolyp otyr. Men «Bıznes bastaý» arqyly qaıtarymsyz grant utyp aldym. Qorǵaǵan jobam boıynsha usaq qara mal satyp aldym. Qazir satyp alǵan qoılarymdy jaıylymǵa jiberdim. Buǵan deıin úıde baǵyp keldik», - deıdi kásip ıesi.
Svetlana Júnisova – tórt balanyń anasy. Jubaıy temirjol vokzalynda jumys isteıdi. Aıtýynsha, memleket qıyndyqqa tap bolǵan halyqty kómeksiz qaldyrmaıdy.
«Osyndaı qıyn sátte qoldaý kórsetip otyrǵan Memleket basshysyna, Úkimetke, oblys ákimdigine alǵysym sheksiz. Ana retinde, kásipker retinde jurt qamyn oılap, mańyzdy jumystarda júrgen kisilerge rahmet aıtamyn. QR Prezıdenti tótenshe jaǵdaılarǵa baılanysty jasaǵan úndeýinde indetpen birige kúresý qajettigine toqtaldy. Múmkindikti paıdalanyp, turǵyndardy shekteý sharalaryna túsinistikpen qaraýǵa shaqyramyn», - dedi Svetlana Júnisova.
