Memleket qarjysyn tıimdi jumsaý úshin tıisti zańǵa ózgerister engizip, sýbsıdııalaýdyń jańa tetikterin qarastyrý kerek - Bas prokýratýra
ASTANA. Aqpannyń 18-i. QazAqparat /Aıdar Ospanalıev/ - Prokýratýra qyzmetkerleri ótken jylǵy kóktemgi egis pen jıyn-teringe baǵyttalǵan memlekettik sýbsıdııalardy bólip berý jáne ıgerý jumystarynyń zańdylyǵyn tekserý kezinde 2 myńnan astam zań buzýshlyqty anyqtady.
Bul týraly búgin Bas prokýratýranyń resmı ókili Nurdáýlet Súıindikov aptalyq brıfıngte málim etti, dep habarlaıdy QazAqparat.
Onyń aıtýynsha, tekserýler barysynda jarty mıllıardqa jýyq teńgeniń zańsyz tólengendigi anyqtalǵan. Osyǵan baılanysty qazir Bas prokýratýranyń usynysynyń qorytyndysy boıynsha, memleket qarjysyn tıimdi jumsaýdy jolǵa qoıý maqsatynda tıisti zańnamaǵa ózgerister engizip, sýbsıdııalaý sharasynyń jańa tetikterin engizý máselesi qaralýda.
