Memleket qarjysy dittegen jerge jetpese, aýylda adam qalmaıdy – Almasbek Sadyrbaı

ASTANA. KAZINFORM – Qazaq sharýalarynyń quryltaıynda aýyldaǵy ahýal jaıly aıtyldy.

«Shańyraq» ulttyq agro-qozǵalysy» Respýblıkalyq qoǵamdyq birlestiginiń tóraǵasy Almasbek Sadyrbaıdyń aıtýynsha, aýyl turǵyndarynyń sany burynǵydaı eldiń 44 paıyzyna jetpeıdi. Kórsetkish shamamen 36-37 paıyzǵa tómendegen.

«Memleket basshysy aýyl sharýashylyǵy salasyna buryn bólinip kórmegen qomaqty qarajatty bólip jatyr. Qarjy ádettegideı olıgopolııalyq toptardyń qaltasyna túspeýi kerek. Maqsatty jumsalyp, aýyldaǵy sharýalar ıgiligin kórýi tıis. Sharýa degen 40-50 olıgarh emes. Elimizde 300 myń sharýa bar. Sonyń 20 myńy ǵana baǵdarlamalardyń qyzyǵyn kórip jatyr. Qalǵanyn olıgarhtar jutyp jatyr. Osy ýaqytqa deıin beıtaraptyq tanytyp keldik. Endigi jerde sharýalar birigip, áreket etýi kerek. Sharýalar rettemese, aýylda adam qalmaıdy. Jer bos qalady. Al bos jer jaý shaqyrady», - dedi A. Sadyrbaı.