Memleket «Qarapaıym zattar ekonomıkasy» aıasynda 133 qyzmet túrine qoldaý kórsetedi
«Búginde ishki suranysty qamtamasyz etý úshin taýarlar óndirisin uıymdastyrýǵa baǵyttalǵan keshendi sharalar júzege asyrylady. Bul úshin eń aldymen qarjylandyrý qajet. Qarjylandyrýdy qamtamasyz etý úshin «Qarapaıym zattar ekonomıkasy« baǵdarlamasy júzege asyrylyp jatyr. Bıyl qarjylandyrý kólemi artty. Qosymsha 400 mlrd teńge bólinedi», - dedi mınıstr Úkimet úıinde ótken brıfıng barysynda.
Onyń dereginshe, atalǵan qarajat agroónerkásip kesheni, óńdeý ónerkásibi jáne qyzmet salasyndaǵy óndiriske jumsalady.
«Azyq-túlik ónimderinen bastap, dári-dármek pen qural-jabdyqqa deıingi 300-den astam tutyný taýaryn óndirýdi usynǵan 133 qyzmet túrine qoldaý kórsetiledi. Kredıt 10 jyl merzimge usynylady, somasyna shekteý joq. Syıaqy mólsherlemesi 5 paıyzdy quraıdy. Ol memleket tarapynan sýbsıdııalanady. Eger kepilge qatysty másele bolsa, kepil jetpeı jatsa, onda memlekettik kepil al qarastyrylǵan», - dedi Rýslan Dálenov.
