Memleket ishki naryqty azyq-túlikpen jáne eksportpen qamtamasyz etý arasyndaǵy teńgerimdi saqtaıdy - komıtet
Komıtet tóraǵasyyń atap ótýinshe, tyıym salýdy engizý týraly sheshimdi Syrtqy saýda qyzmeti jónindegi vedomstvoaralyq komıssııa qabyldaıdy. Oǵan memlekettik organdar da, salalyq qaýymdastyqtardy qosa alǵanda bıznes sýbektileri de qatysady. Bul rette árbir taýar boıynsha jaǵdaıǵa taldaý júrgiziledi, syrtqy saýda shekteýlerin engizý kezinde qajetti esepter men yqpal etý boljamdary jasalady. Barlyq esepteýler men talqylaýlardan keıin ǵana sheshimder qabyldanady. ıAǵnı, engizilgen árbir shekteý tsıfrlarmen bekitiledi.
Bıznestiń nemese memlekettik organnyń bastamasy boıynsha vedomstvoaralyq komıssııa buryn engizilgen shekteýdi alyp tastaýy múmkin. Sonymen birge, ol áleýmettik mańyzy bar taýarlarǵa arnalǵan basym daqyldar óndirisin arttyrý boıynsha jumys júrgizilip jatqanyn aıtty.
«Biz eń jaqyn kórshilerimizben, keıbir kókónister men jemisterdiń dástúrli jetkizýshilerimen pıktik maýsymda ózara tıimdi taýar almasý boıynsha jumys istep jatyrmyz», - dedi E. Qazanbaev.
Budan basqa, óndiris-tutyný teńgerimin aıqyndaý eksportqa baǵyttaýǵa bolatyn artyq ónimderdi aıqyndaýǵa múmkindik beredi.
Ulttyq taýar ótkizý júıesiniń tolyqqandy iske qosylýymen shaǵyn taýar óndirýshiler belsendi saýda protsesine qosylýda. Olardy zamanaýı, órkenıetti saýdaǵa tartý ishki naryqty ǵana emes, sonymen qatar eksporttyq áleýetti de qamtamasyz etý kórinisin ózgertýge múmkindik beredi. Bul jaǵdaıda fermerler alatyn qosymsha tabys qaıtadan óndiris kólemin arttyrýǵa aınalady.
«Osylaısha, bir jaǵynan, saýda ınfraqurylymyn qosa alǵanda, taýar óndirisi men ishki saýdany damyta otyryp biz eksportty damytýǵa da yqpal etemiz. Al eksportqa baǵdarlana otyryp, ımportty almastyrý men ishki naryqty qamtamasyz etýdi de yntalandyramyz», - dedi Saýda jáne ıntegratsııa mınıstrliginiń ókili.
