Memleket iri qara jáne ýaq maldardan brýtsellezdy anyqtaýǵa úlken kóńil bólýi kerek - akademık Nıkolaı Ivanov
ALMATY. Naýryzdyń 10-y. QazAqparat /Názıra Eleýhan /- Memleket iri qara jáne ýaq maldardaǵy brýtsellezdy anyqtaýǵa úlken kóńil bólýi kerek.
Elimizdegi bar sharýashylyqtyń 20 paıyzy aýrýlarǵa juqpalylyǵy jaǵynan nashar halde. Bul týraly búgin QR UǴA akademıgi, «Bıtsentr» JShS-niń ǵylym boıynsha dırektorynyń orynbasary Nıkolaı Ivanov málimdedi, dep habarlaıdy QazAqparat.
Onyń aıtýynsha, brýtsellez adamǵa óte qaýipti ınfektsııa. «Bul aýrýmen elimizde baıaǵydan kúres júrgizilip keledi jáne qazir búgingi zamanǵa saı anyqtaýǵa arnalǵan dıagnostıkalyq quraldardyń róli ósti. Buryndary etek alǵan kezinde anyqtasaq, qazir birinshi satysynda anyqtap, qaýip-qaterdiń aldyn alamyz», dedi akademık.
«Bıtsentr» kompanııasy dıognostıkaly veterınarlyq test-júıesin shyǵarýmen aınalysady. Olar ımmýnofermentti analız ádisi boıynsha, 2009 jyly 7 mıllıon mólsherde brýtsellezdi anyqtaýǵa arnalǵan doza shyǵarǵan.
«Bul ádis brýtsellezdi der kezinde anyqtaýǵa múmkindik beredi. Sondyqtan bul test-júıeniń mańyzy óte zor. Biz qazir bul aýrýdyń aldyn alýǵa kóshýdemiz», dedi Jetisý aýdany boıynsha veterınar ınspektory Dýrııa Esbaeva.
Mamandardyń aıtýynsha, shıki etten brýtsellezdi anyqtaý múmkin emes. Sondyqtan, etti tek tekserýden ótken dúkender men bazarlardan alý kerek, deıdi olar.
«Bıtsentr» kásipornynda 20-dan asa qyzmetker jumys jasaıdy. Munda qazir zamanaýı bıotehnologııalardyń negizi boıynsha jańa preparattardy oılap tabý boıynsha úlken zertteý jumystary júrgizilýde. Kompanııa óndirisi joǵary tehnologııalyq qural-jabdyqtarmen jabdyqtalǵan.
