«Memleket eshkimdi taǵdyr tálkegine tastamaıdy» - BAQ-qa sholý

ASTANA. 24 sáýir. QazAqparat - «QazAqparat» agenttigi respýblıkalyq basylymdarda 24 sáýir, sársenbi kúni shyqqan ózekti materıaldarǵa sholýdy usynady.

***

«Sebepsiz saldar bolmaıdy­ de­mekshi, bul maqalany jazýy­myz­ǵa ınternet jelisinde Alma­ty oblystyq ІІD jarııalaǵan myna bir oqıǵa sebep boldy. Aǵym­daǵy jyldyń 30 naýryz kúni Shonjy - Aqsý kúrejolynda «Toyo­to Camry» jáne «Mazda» avto­kó­lik­­teri soǵylyp, qos kóliktiń de júr­gizýshileri oqıǵa ornynda kóz jum­dy. Shonjy aýylyna jet­ki­zilgen alty jolaýshynyń bireýi aýyr jaǵdaıda jatyr. Boljamǵa súıen­sek, óte qatty jyldamdyqta kele jatqan «Toyoto Camry» avto­kó­liginiń júrgizýshisi kólik róline ıe bola almaı qalǵan... Jalpy alǵanda, sońǵy jyldary Almaty oblysy aýmaǵyndaǵy joldarda mundaı qaıǵyly de­rekter nege kóp? Statıstıkalyq málimet boıynsha jol-kólik soq­ty­ǵysy boıynsha respýblıkamyzda Almaty oblysy úshinshi oryn­da bolsa, sonyń saldarynan mert bolǵan adamdar sany da jyldan-jylǵa ósip, ekinshi oryn­ǵa kóterilgeni óz aldyna. Res­pýblıkamyzdaǵydaı jetisýlyq «ala taıaqtylar» da aýyldar irgesin basyp ótetin kúrejoldardyń qaltarystarynda tyǵyla turyp, júrgizýshiler qujatyn tekserip, qandaı da bir kinárat taýyp, bar­maq basty, kóz qystydan tanar emes. Sóıtip turǵanda, dál qasynan quıǵytyp ótken kó­lik sulbasyn baıqaı qoıyp, kór­megen keıip tanyta syrt aınalý da ádetke engen. Osy kezde dál osy tusta aıta ketsek jol polıtseıi qujatyn tekserý úshin toqtatqan kólikterdiń biriniń júr­gizýshisin, ıá bolmasa sol kó­likten túsken jandardyń birin jol polıtsııasy qyzmetkerine pysqyryp ta qaramaı yzǵytyp óte shyǵatyn kólikterdiń biri­ qaǵyp ketse ne bolady?»,-dep jazady «Egemen Qazaqstan» basylymy «Ala taıaqtylar» alańdatady» degen maqalada.

Osy basylymnyń jazýynsha, qazir ekiniń biriniń aýzynda memlekettiń zeınetaqy júıesin jańǵyrtý týraly áńgime júr. Áıelderdiń zeınet jasyn erlermen teńestirip, 63-ke deıin ulǵaıtý týraly joba ómirdiń ár salasynda eńbek etip júrgen áıelderdi oılandyryp tastaǵany ras. Jaqynda zeınetaqy júıesin jańǵyrtýǵa baılanysty oblysta ótken májilis osy suraqtardyń birazyna jaýap bergendeı boldy. Oǵan aýdan, qala ákimderimen qatar, eńbek ujymdarynyń jetekshileri, kásipodaq uıymdarynyń ókilderi qatysty. Bul maqala «Memleket eshkimdi taǵdyr tálkegine tastamaıdy» degen taqyryppen jarııalanyp otyr.

***

«Aıqyn» gazeti eks-depýtat, ánshi, qoǵam qaıratkeri Bekbolat Tileýhanmen aradaǵy suhbatty jarııalap otyr. «Qazir qaıda júrsiz?», degen saýalǵa B. Tileýhan: «Ulttyq sport túrleri qaýymdastyǵynyń prezıdenti Qaırat Satybaldynyń qolqalaýymen osy uıymda birinshi orynbasary ári prezıdenttiń mindetin atqarýshy bolyp jumys istep jatyrmyn. Bul jerde úlken jumys bar. Aty bar, zaty joq qoǵamdyq uıym emes»,-deıdi. Bul jaıynda tolyǵyraq «Sheneýnikterge sheshendik ónerdi úıretip júrmin» atty suhbatta jazylǵan.

Osy basylymda «Aqtaýda - úshinshi úshem» degen taqyryppen materıal berilgen. «Oblystyq perınataldyq ortalyqta buǵan deıin, naýryz aıynda eki jas ana úshemderdi dúnıege ákelip, eldi qaýantqan edi. Araǵa kóp salmaı Aqtaýdyń taǵy bir kelini úsh uldy ómirge ákeldi»,-dep jazady «Aıqyn».

***

«Kazahstanskaıa pravda» basylymynyń jazýynsha, Qazaqstan Respýblıkasynyń Prezıdenti Nursultan Nazarbaev Reseı Federatsııasynyń Prezıdenti Vladımır Pýtınmen telefon arqyly sóılesti. Eki eldiń kóshbasshylary Máskeýde 2012 jylǵy jeltoqsanda ótken jo­ǵa­ry deńgeıdegi kezdesýlerdiń qory­tyn­dysy boıynsha qol jetkizilgen ýaǵ­da­lastyqtardy júzege asyrý aıasynda eýrazııa­lyq keńistiktegi ıntegratsııalyq úderisterdi odan ári damytý máselelerin talqylady.Taraptar Bishkekte ótetin UQShU men ShYU-nyń aldaǵy sammıtteriniń, sondaı-aq 2013 jyly mamyrda Astanada ótedi dep josparlanǵan Joǵary Eýrazııalyq ekonomıkalyq keńes otyrysynyń kún tártibiniń negizgi tarmaqtaryn qarastyrdy.