Memleket eshkimdi qıyndyqta qaldyrmaıdy - QR Prezıdenti
NUR-SULTAN. QazAqparat - Qazirgideı kúrdeli kezde árbir azamat bizdiń nazarymyzda bolady. Bul týraly QR Prezıdenti Qasym-Jomart Toqaevtyń málimdemesinde aıtylǵan, dep habarlaıdy QazAqparat tilshisi.
«Áleýmettik jáne ekonomıkalyq turaqtylyqty qamtamasyz etip, halyqtyń tabysyn saqtaý úshin de arnaıy sharalar qabyldanyp jatyr. Taǵy da qaıtalap aıtamyn: qazirgideı kúrdeli kezde árbir azamat bizdiń nazarymyzda bolady. Memleket eshkimdi qıyndyqta qaldyrmaıdy. Men tótenshe jaǵdaı kezeńinde azamattarymyzǵa qoldaý kórsetýge arnalǵan sharalardyń eki toptamasyn jarııa ettim», - dedi Qasym-Jomart Toqaev.
Memleket basshysynyń atap ótýinshe, bul sharalar barynsha júzege asyrylýda. Qoǵam tarapynan aıtylǵan oryndy syn-pikirler de bar.
«Ony eskeremiz. Búgingi kúni 4 mıllıon 250 myń azamatqa qarjylaı kómek kórsetildi. 570 myńnan astam adamǵa azyq-túlik taratyldy. Jalpy, 1,1 mıllıonnan astam adamdy azyq-túlikpen qamtamasyz etýdi josparlap otyrmyz. Elbasynyń bastamasymen qurylǵan «Birgemiz» qorynan qarjy bólindi. «Nur Otan» partııasy belsendi jumys atqarýda»,- dedi QR Prezıdenti.
