Memleket birde-bir adamdy eskerýsiz qaldyrmaıdy – Qasym-Jomart Toqaev
ASTANA. KAZINFORM – Memleket basshysy tasqyn sýdan zardap shekken azamattarǵa úndeý joldap, memleket birde-bir adamdy eskerýsiz qaldyrmaıtynyn aıtty.
«Barshańyzǵa qarjylyq jáne basqa da kómek beriledi. Materıaldyq shyǵyndar tolyq óteledi» — dedi Prezıdent.
Memleket basshysy sondaı-aq alapat sý tasqynynan tıisti qorytyndy shyǵarý kerektigin sóz etti.
«Jiberilgen olqylyqtardy túzetip, tıisti sabaq alýymyz qajet. Al ondaı sabaqtar az emes. Apattardyń aldyn alý jumysyndaǵy kemshilikten bastap, sý sharýashylyǵy mamandarynyń tapshy bolýy, tabıǵatqa nemquraıly qaraýǵa deıin kóp máseleni retteý qajet. Úkimet jáne jergilikti atqarýshy organdar sý tasqynymen kúresti tıimdi úılestirip otyrýǵa tıis. Sý basqan aýmaqtarda quqyqtyq tártipti qamtamasyz etý qajet» —dedi úndeýinde.
