Memleket bolashaǵy aýyl sharýashylyǵynyń damýyna baılanysty - senator
«Qazirgi ýaqytta Qazaqstan ekonomıkasy negizinen jerasty paıdaly qazbalardyń arqasynda damýda. Biraq, olar bir kezderi taýsylatyn, ıaǵnı jańartylmaıtyn tabıǵı resýrstar. Sondyqtan memleketimizdiń bolashaǵy aýyl sharýashylyǵynyń damýyna baılanysty bolady. Mine, sonda bolashaq urpaǵymyzǵa aýyl sharýashylyǵy maqsatyndaǵy jerlerdi paıdalaný qoljetimdi bolýy kerek. ıAǵnı, ózderiniń agrarlyq bıznesin damytý úshin jer ıelenýshilerden nemese latıfýndısterden satyp almaı, tikeleı memleketten alý múmkindigine ıe bolýy qajet», - dedi komıssııanyń birinshi otyrysynda senator.
Onyń atap ótýinshe, búginde aýyl sharýashylyǵy maqsatyndaǵy jerlerge jekemenshiktiń bolmaýy agrarlyq salaǵa ınvestıtsııalar tartýdyń basty tejegishi degen pikir bar.
«Shynynda da, agroónerkásip keshenge ınvestıtsııalar tartý jaǵynan biz álemniń jetekshi agrarlyq elderinen kóp arta qalyp otyrmyz. Atap aıtqanda, aýyl sharýashylyǵyndaǵy sheteldik ınvestıtsııalar kólemi Avstralııada 1 gektar egistikke shaqqanda 422 dollardy, Kanadada 80 dollardy quraıdy. Al Qazaqstanda 1 dollarǵa da jetpeıdi. ıAǵnı, 400 ese az. Shetelden ınvestıtsııa tartýdyń basty sharty aýyl sharýashylyǵy óndirisiniń turaqtylyǵy men joǵary rentabeldiligi bolyp sanalady. Bul eń aldymen memlekettiń tıimdi agrarlyq saıasaty esebinen qalyptasady. Basqasha aıtqanda, eger bizdiń sharýashylyqtarymyz sheteldik fermerler sııaqty uzaq jáne arzan kredıttermen, memlekettik qoldaýdyń tıimdi sharalarymen, sýbsıdııalarmen, jeńildetilgen saqtandyrý júıesimen jáne ǵylymı-tehnologııalyq jetistiktermen qamtamasyz etilse, bizdiń de agrarlyq salamyz ınvestıtsııalyq suranysta bolar edi», - dedi Aqylbek Kúrishbaev.
