Memleket bızneske júktegen shyǵyndardy kásipkerler halyqtan óndirip alady - Prezıdent
«Memleket bızneske júktegen keıbir qosymsha shyǵyndardy kásipkerlerdiń halyqtan óndirip alatyny jasyryn emes. Sóz monopolııalyq operatorlardyń túrli deldaldarynyń, qajetsiz agentteriniń komıssııasy men tarıfteri jaıynda bolyp otyr. Bul problemany bilesizder. Suraq - olardyń qyzmetin kim tóleıdi? Árıne, tutynýshy tóleıdi. Oǵan qabyldanǵan zańdar men qaýlylar kináli», - dedi QR Prezıdenti.
Qasym-Jomart Toqaevtyń aıtýynsha, mundaı jaıtqa memlekettik organdar qoǵamnyń emes jekelegen kompanııalardyń múddesin basshylyqqa alyp qabyldaǵan normatıvtik-quqyqtyq aktiler sebep bolǵan.
«Qazaqstandyqtar ózine jumsaı alatyn qarajat atalǵan kompanııalardyń qaltasyna ketip jatyr. Úkimetke bul máselege barynsha baıyppen nazar aýdarý tapsyrylady jáne «Atameken» palatasymen birlesip, árbir jaǵdaıdy jiti pysyqtap, ony túzetýdiń naqty sheshimderin usynýy tıis», - dedi Memleket basshysy.
