Memleket bilimge beriletin nesıelerdi qaıta qurylymdaýda kómek kórsetti - 2010 jyl muǵalimi A.Yqylyqova
ALMATY. 2 qarasha. QazAqparat /Berik Bekmurzaev/ - Qazaqstan Úkimeti bizdiń jastarǵa barlyq jaǵdaılardy jasady. Bul týraly búgin Almaty qalasynda «Bolashaqqa senimmen qaraǵan jastar» uranymen ótkizilgen dóńgelek ústel otyrysy kezinde «Jyl muǵalimi-2010» baıqaýynyń jeńimpazy Alma Yqylyqova aıtty.
«Óz jaǵymnan Úkimettiń jumysyna qanaǵattanamyn. Tıimdi jumystar atqaryldy, máselen, 2009, 2010 jyldary muǵalimderdi jalaqysy ósti, ústimizdegi jyldyń shildesinen bastap qosymsha 30 paıyzdyq ósim bar. Bul meni qýantady. Men mundaı jumystardyń tek orta bilim mekemelerinde ǵana emes, elimizdiń joǵary oqý oryndarynda da keńinen júzege asyrylyp jatqanynan habardarmyn. Meniń bilýimshe, bilimge beriletin nesıelerdi qaıta qurylymdaýǵa kómek kórsetilip, halyqtyń áleýmettik osal toptarynan shyqqan stýdentterge kómek retinde shamamen 15 mlrd. teńge bólindi. Biz osyndaı qoldaýy úshin memleketke alǵys aıtýymyz qajet», - dep málimdedi jas muǵalim.
