Memleket bazarlarda saýda-sattyq jasaıtyn azamattardy qalypty salyq júıesine kóptep tartpaq
qpannyń 12-si. QazAqparat /Ernur Aqanbaı/ - Memleket bazarlarda saýda-sattyq jasaıtyn azamattardy qalypty salyq júıesine barynsha tartýdy kózdep otyr. Bul týraly búgin Astanada Qazaqstannnyń Keden odaǵyna kirýine baılanysty salyq salý jáne kedendik ákimshilendirý máselelerine arnalǵan dóńgelek ústelden keıingi brıfıngte Qarjy mınıstrligi Salyq komıtetiniń tóraǵasy Dáýlet Erǵojın málim etti,
dep habarlaıdy QazAqparat.
Óz sózinde Úkimet basshysy Qarjy mınıstrligine bir jolǵy talondardy joıýdy 2011 jyldan 2013 jylǵa aýystyrý jóninde tapsyrma berilgendigin aıtqan ol: « Salyq kodeksine ózgertýler engizý týraly sharalar sondaı-aq bazarlardaǵy satýshylarǵa aýqymdy salyqtyq eseptilikti tapsyrýdy talap etpeıtin rejim qalyptastyrýdy qarastyrady. Olar nebári bir-eki betten turatyn qysqa ǵana esepti tapsyratyn bolady», dedi.
Onyń aıtýynsha, memleket mundaı qadamǵa birqatar sebepterge baılanysty baryp otyr. Birinshiden, Qazaqstan saıyp kelgende saýda-sattyqtyń qalypty erejesi qalyptasqan memleket bolýy tıis. ıAǵnı, azamattar konteınerlerden shyǵyp, saýdalaryn barlyq jaǵdaıy jasalǵan saýda úılerinde jasaýlary tıis. Ekinshiden, memleket bazarlarda saýda-sattyq jasap júrgen azamattardy zeınetaqy, áleýmettik qamtý júıesine tartýy kerek. «Bazardaǵy azamattar saýda-sattyq jasap, qandaı da bir paıda tabady, aınalymda qarjylary bar. Bul árıne qazir jaqsy. Alaıda, erteńgi kúndi, keleshekti de oılaý kerek. Ol adamdar kúnderdiń kúninde qartaıady jáne endi 20-30 jyldan keıin zeınetaqy jasyna jetip qalady. Biz qazirden bastap olarǵa qamqorlyq jasamasaq, bunyń barlyǵy aqyr sońynda memleketke, sodan keıin avtomatty túrde salyq tóleýshilerge aýyrtpalyǵyn túsiretin bolady. Sondyqtan da memleket osy máseleni tezdetip sheshýge umtylyp jatyr», dedi ol.
Aıta keteıik, aǵymdaǵy jylǵy aqpannyń 4-de ótken Qarjy mınıstrliginiń alqa májilisinde Úkimet basshysy Qazaqstandaǵy jalpyǵa ortaq deklaratsııaǵa kóshý merzimi 2011 jyldan 2013 jylǵy qańtardyń 1-ine shegerý jóninde tapsyrma bergen bolatyn. «Qoldanystaǵy Salyq kodeksi boıynsha bir jolǵy kásipkerlik talondardy joıý jónindegi jumys 2011 jyldan bastalýy tıis-tuǵyn. Meniń oıymsha, biz bul máselege áli daıyn emespiz. Sondyqtan bul máseleni jalpyǵa ortaq deklaratsııany engizýmen biryńǵaılandyrý kerek. Bular qos paralleldi úderister bolýy tıis. Sondyqtan, muny taǵy da eki jylǵa, 2013 jylǵy qańtardyń 1-ine shegereıik. Sóıtip, eki paralleldi úderisti: jalpyǵa ortaq deklaratsııany jáne bir jolǵy talon boıynsha jumysty bir mezgilde júrgizetin bolamyz», degen bolatyn alqada Úkimet basshysy.
