Memleket basshysynyń Joldaýynda kóterilgen máseleler bizdiń partııamyzdyń maqsatymen úndesedi - J.Ahmetbekov
ASTANA. 27 qańtar. QazAqparat /Aıdar Ospanalıev/ - «Memleket basshysy búgingi Joldaýynda ekonomıkanyń eń basty salalary memlekettiń menshiginde bolýy qajettigin aıtty.
Bul bizdiń partııamyzdyń baǵdarlamasynda bar jáne aldymyzǵa qoıǵan basty mindetterimizdiń biri bolatyn. Sol úshin men búgingi jıynda qol soqtym»,-deıdi Májiliske Qazaqstannyń Kommýnıstik halyq partııasy atynan saılanǵan depýtat Jambyl Ahmetbekov, Parlament palatalarynyń birlesken otyrysynan soń jýrnalısterge bergen suhbatynda.
Onyń sózinshe, Elbasy óz Joldaýynda «Bogatyr» kompanııasy men «Qazaqmys» korporatsııasy sııaqty iri mekemelerdiń aktıvteriniń mol mólsherde memlekettiń menshigine qaıtarylǵandyǵyn jáne bul baǵyttaǵy jumystardyń aldaǵy ýaqytta da jalǵasa beretindigin aıtty.
«Men bul bastamany qos qoldap qoldaımyn. Bizdiń baǵyt-baǵdaramyz da eldegi búkil kompanııalardy ulttandyrý jáne odan túsken paıdany áleýmettik salaǵa jumsaý, halyqtyń ıgiligine jaratý bolatyn»,-dedi Májilis depýtaty.
