Memleket basshysynyń Joldaýy negizinen ekonomıkany turaqty damytýǵa baǵyttalǵan – Senat depýtaty
;ASTANA. Qańtardyń 29-y. QazAqparat /Aıdar Ospanalıev/ - Elbasy Joldaýy negizinen búgingi ekonomıkany turaqty damytýǵa baǵyttalǵan. Buny búgin Parlament palatalarynyń birlesken otyrysynan soń Memleket basshysynyń Joldaýyna qatysty buqaralyq aqparat quraldarynyń ókilderine bergen suhbatynda senator Aqan Bıjanov aıtty,
dep habarlaıdy QazAqparat.
Onyń sózine qaraǵanda, Joldaýda Prezıdent atap kórsetken ındýstrııalandyrý, agroónerkásip keshenin damytý men onyń eksporttyq áleýetin arttyrý, áleýmettik máselelerdi sheshý baǵytynda kótergen mindetter bolashaǵynan zor úmit kúttiretin sharalar. «Sonymen qatar Elbasynyń bıylǵy Joldaýynyń áleýmettik baǵyttarynyń bolashaǵy da zor dep oılaımyn. Prezıdenttiń osy baǵyttaǵy aıtqan sózderin mysalǵa keltiretin bolsaq, 2020 jyly eldegi búldirshinderdiń barlyǵy 100 paıyz mektepke deıingi bilim berýmen qamtylady. Densaýlyq saqtaý salasynda da eleýli ózgerister bolǵaly tur. Prezıdent sózinde turǵyndardyń ómir súrý deńgeıi men azamattarǵa kórsetiletin medıtsınalyq kómektiń sapasyn arttyrýǵa da úlken kóńil bólip otyr. Osynyń barlyǵy da elimizdiń turǵyndarynyń ál-aýqatyn arttyrýǵa baǵyttalǵan keshendi sharalar», dedi Senat depýtaty.
