Memleket basshysynyń Jarlyǵymen Joǵarǵy sot janynan jańa departament qurylady
ASTANA. Tamyzdyń 17-si. QazAqparat - Elbasynyń Jarlyǵymen Joǵarǵy sot janyndaǵy Sot ákimshiligi komıtetiniń ornyna Joǵarǵy sot janyndaǵy Sot qyzmetin qamtamasyz etý departamenti qurylady.
Bul týraly búgin Aqordada quqyq qorǵaý organdaryn reformalaý máselesine baılanysty ótken májiliste Memleket basshysy Nursultan Nazarbaev málim etti.
Memleket basshysynyń aıtýynsha, Sot ákimshiligi komıteti jáne onymen baılanysty qyzmetter Ádilet mınıstrliginiń quzyryna beriledi. Al sottardy uıymdastyrýshylyq, materıaldyq-tehnıkalyq jáne ózge de qajettiliktermen qamtamasyz etýdi jáne sot prıstavtarynyń qyzmetin basqarýdy jańadan qurylatyn departament atqarady.
