Memleket basshysynyń Jarlyǵymen jergilikti sottardyń 19 sýdıasy qyzmetinen bosatyldy
ASTANA. 19 sáýir. QazAqparat - Bıylǵy jyldyń birinshi toqsanynda Memleket basshysynyń Jarlyǵymen jergiliktiń sottardyń 19 sýdıasy qyzmetinen bosatylyp, taǵy 8 sýdıany qyzmetinen bosatý jóninde usynys jasaldy.
Bul málimettermen búgin bıylǵy jyldyń birinshi toqsanynyń qorytyndysyna baılanysty jergilikti jáne ózge de sot ókilderimen bolǵan selektorlyq májiliste Joǵarǵy sot tóraǵasy Bektas Beknazarov tanystyrdy.
Onyń derekterine qaraǵanda, bul sýdıalardyń barlyǵy ózderine júktelgen mindetti atqara almaýy sebepti sot júıesinen ketýge májbúr boldy. «Biz mundaı azamattarmen qosh aıtysamyz. Olardyń oryndaryna biliktiligi joǵary, laıyqty basqa azamattar keledi jáne olar zamanǵa laıyqty jumys isteıtin bolady»,- dedi Joǵarǵy sot tóraǵasy.
