Memleket basshysynyń Tájikstanǵa jasaǵan eki kúndik resmı sapary tabysty ótti

NUR-SULTAN. QazAqparat - Memleket basshysynyń Tájikstanǵa jasaǵan eki kúndik resmı sapary tabysty ótti. Bul týraly QR Prezıdentiniń baspasóz hatshysy Berik Ýálı óziniń Facebook paraqshasynda jazdy, dep habarlaıdy QazAqparat.

«Memleket basshysynyń Tájikstanǵa jasaǵan eki kúndik resmı sapary tabysty ótti. Tájikstan tarapy qazaqstandyq delegatsııaǵa zor qurmet kórsetti. Emomalı Rahmon Qasym-Jomart Toqaevty Dýshanbe áýejaıynan ózi kútip alyp, shyǵaryp saldy»,-dep jazdy Berik Ýálı.

Osyǵan deıin Qazaqstan Prezıdenti Qasym-Jomart Toqaevtyń Tájikstanǵa resmı saparmen barǵanyn habarladyq.

Búgin Memleket basshysy shaǵyn jáne keńeıtilgen quramda kezdesýder ótkizip, Tájikstannyń birqatar laýazym ıelerimen kezdesti. Sondaı-aq Qazaqstan men Tájikstan basshylary birlesken málimdeme jasady.