Memleket basshysynyń tapsyrmasy myńdaǵan balasyz otbasyǵa kómektesedi – Dáýren Abaev
«Meniń oıymsha, Prezıdenttiń Joldaýy jalpyǵa túsinikti bolyp shyqty. Muny men jaqsy der em, tipti óte jaqsy. Sebebi qujattyń mazmuny durys maǵynamen myqtap bekidi. Eshqandaı ıllıýzııa, oryndalmas josparlar, istiń naqty jaǵdaıynan alystaý da joq», – dep jazdy Dáýren Abaev Facebook -tegi paraqshasynda.
Budan ári problemalardyń keń aýqymyna jáne qamtylýyna qaramastan, Joldaý jalpyǵa birdeı túsinikti ekendigi; ortaq problemalarymyzdy sheshýge baǵyttalǵan qarapaıym, biraq jeńildetilmegen formýlalardy qamtıtyndyǵy aıtylady. «Menińshe, bul kezdeısoq emes, sebebi qujat jasaýǵa áleýmettik jelilerdegi hattar, maqalalar, posttar arqyly kópshiligińiz úles qostyńyzdar. Óıtkeni qoǵam – bul úlken bilimi bar tutas aǵza, al «estıtin memleket» olardy ózine sińiredi, óńdeıdi jáne utymdy sheshimder usynady. Devıd Istonnyń áıgili «qara jáshigi» deýge bolar. Bálkim, sodan da shyǵar, Prezıdenttiń buryn usynylǵan bastamalardy eskergenin estip qýanǵan, onymen bólisken posttardyń kóp bolýy», – dep tolyqtyrdy Dáýren Abaev.
Onyń pikirinshe, Joldaý azamattardyń suranystaryn aqtaıdy, úmitterin aldamaıdy, eń bastysy, senimin nyǵaıtady. Joldaýda memlekettik basqarý salasyndaǵy eń kóp talqylanǵan reformalardan basqa kóptegen problema oryn aldy: jasyl jelekter, janýarlardy qorǵaý, adam quqyqtary, buqaralyq sport, medıtsına qyzmetkerlerin qoldaý, jergilikti ózin-ózi basqarýdy damytý jáne basqalar.
«Degenmen, meniń oıymsha, tereń sımvoldyq sıpatqa ıe bir mysalǵa toqtalǵym keledi. Prezıdent ekstrakorporaldyq uryqtandyrýǵa arnalǵan kvotalardy 1 myńnan 7 myńǵa deıin arttyrýdy kózdeıtin «Ańsaǵan sábı» baǵdarlamasyn qabyldaýdy tapsyrdy. Memlekettiń otbasylyq saıasaty kóptegen komponentterdi qamtıdy, biraq kóbinese balasyz otbasylardyń problemalary kóleńkede qalyp jatady, bul týraly BAQ-ta sırek aıtylady, balasyz adamdar mıtıngiler men pıketterge barmaıdy, qorqynyshty statıstıka kóp aıtyla bermeıdi.
Sonymen qatar Densaýlyq saqtaý mınıstrliginiń derekteri boıynsha bedeýlikten zardap shegetin 14 myńnan astam erli-zaıyptylar esepte tur. Osy sebepti búkil elde júzdegen jáne myńdaǵan otbasy ajyrasýda. Sondyqtan Memleket basshysynyń tapsyrmasy Táýelsizdiktiń 30 jyldyǵynda myńdaǵan otbasyna ata-ana atanýǵa múmkindik beredi. Olar táýelsiz tarıhymyzdyń jańa tsıkliniń nyshandy bastaýy bolmaq», – dep túıindedi Dáýren Abaev.