Memleket basshysynyń tapsyrmalary jastarǵa úlken jaýapkershilik júktep otyr - Dastan Ermekov

KÓKShETAÝ. QazAqparat – Memleket basshysy Qasym-Jomart Toqaevtyń Parlament Májilisiniń otyrysynda sóılegen sózinde elimizdiń táýelsizdigin baıandy etý baǵytynda birqatar reformalardy júzege asyrýdy tapsyrǵan bolatyn. Bul jańalyqty aqmolalyq jastar da zor shabytpen qabyldady. Osy rette, elimizdiń keleshegi jastarǵa úlken jaýapkershilik júktelip otyr. Aqmola oblysy boıynsha volonterlerdi qoldaý ortalyǵynyń front-ofısiniń basshysy Dastan Ermekov osyndaı pikir bildirdi, dep habarlaıdy QazAqparat tilshisi.

«Memleket basshysy alǵa qoıyp otyrǵan osy mindetterdi iske asyrýda, biz - jastar bul sharalardyń bel ortasynda júretin bolamyz. Óıtkeni, otansúıgishtik tárbıeniń qazirgi kezde mańyzdylyǵy bárinen de joǵary bolyp tur. Óz Otanyn súıgen jastar ǵana óz elin kórkeıte alady», - deıdi Dastan Ermekov.

Onyń aıtýynsha, elimizde tótenshe jaǵdaı jarııalanǵannan beri oblys volonterleri polıtsııa qyzmetkerlerimen birge kezekshilikke, kóshelerdi patrýldeýge, qajet bolǵan jaǵdaıda blokposttarǵa shyǵyp kómektesýde.

«Elimiz boıynsha jappaı tártipsizdik oryn alyp, Memleket basshysy tótenshe jaǵdaı rejımin engizgen kezde bizdiń volonterler de qarap otyrmady. Birden polıtsııa qyzmetkerlerimen birge kezekshilikke, kóshelerdi patrýldeýge, qajet bolǵan jaǵdaıda blokposttarǵa shyqtyq. Blokpostarda turǵan tártip saqshylaryna ystyq sháı men kofe jetkizýdi uıymdastyrdyq. Mundaı qıyn kezde memleketimizge kómek qolyn sozyp, aıanyp qalmaýymyz kerek. Bul Otanyn, elin, jerin súıetin ár qazaqstandyqtyń azamattyq paryzy. Qazirgi ýaqytta bizdiń oblysta bári tynysh. Qajet bolǵan jaǵdaıda bizdiń volonterler kez-kelgen qazaqstandyqqa kómek kórsetýge daıyn. Budan bólek, tótenshe jaǵdaı rejımi kezinde bizdiń volonterler Grýzııa, AQSh, Reseı, Qyrǵyzstan, Ózbekstan, Úndistan, BAÁ, Belarýs, Qytaıdan kelgen ondaǵan adamǵa bizdiń elde turatyn týystarymen baılanysýǵa kómektesti. Solardyń biri, volonter Adel Qadyrjanqyzy Qazaqstanda jáne shetelde turatyn týystary arasynda baılanys ornatýǵa atsalysýda», - dedi Dastan Ermekov.