Memleket basshysynyń tapsyrmalary medıtsına salasynda oń nátıjeler beredi - Myńjylqy Berdiqojaev

NUR-SULTAN. QazAqparat – Almatydaǵy Ortalyq klınıkalyq aýrýhanasy Neırohırýrgııa bóliminiń meńgerýshisi Myńjylqy Berdiqojaev Memleket basshysynyń medıtsına qyzmetkerleriniń mártebesin kóterýge qatysty bergen tapsyrmalaryna pikir bildirdi, dep habarlaıdy QazAqparat tilshisi.

«Qazaqstan Prezıdentiniń Ulttyq qoǵamdyq senim keńesiniń 3-otyrysynda atap ótken máseleleriniń ishinde dárigerlerdiń qateligine baılanysty pikir bildirdi. Árıne, osy baǵytta kópten beri tıisti zertteýler júrgizilip kele jatyr. Bul turǵyda dárigerlik qatelikti saqtandyrý jóninde usynystar da aıtylǵan edi. Sonyń barlyǵy endi zańnamalyq turǵyda eskeriledi degen oıdamyn. Menińshe, dárigerlerdi qateligi úshin qylmystyq jazaǵa tartý dúnıejúzilik tájirıbede joq. Eger qasaqana jasalǵan kinási bolsa, onda álem elderinde qylmystyq jaza eskerilgen. Kóptegen memleketterde saqtandyrý kompanııalary zardap shekken naýqasqa tıisti somada tólemder jasaıdy», - dedi M. Berdiqojaev.

Osy oraıda ol Ulttyq qoǵamdyq senim keńesindegi Memleket basshysynyń bastamalary qoldaıtynyn, bul baǵyttaǵy qadamdar ońtaıly sheshimder jasaýǵa yqpal etetinin aıtty.

Budan bólek ol Qasym-Jomart Toqaevtyń bıyldan bastap dárigerlerdiń eńbekaqysyn kezeń-kezeńmen arttyrýǵa qatysty Úkimetke bergen tapsyrmasyna da toqtaldy.

«Eger paıymdaýymsha, bıyldan qajetti sharalar qabyldanatyn bolsa, onda josparlanǵan qadamdar 3-4 jylda júzege asady. Ózderińiz bilesizder, sońǵy kezderi densaýlyq saqtaý salasyna baılanysty birqatar tapsyrma berildi. Prezıdent 2025 jylǵa qaraı memlekettik baǵdarlama boıynsha 20 iri klınıka salynatynyn aıtty. Óńirlerde medıtsınalyq uıymdar nysandarynyń eskirgeni belgili. Sondyqtan statsıonarlardyń jańarǵany durys. Bul turǵyda aýdan ortalyqtaryndaǵy aýrýhanalardy jańartýǵa nazar aýdarylǵany jón. Olardyń qajetti quraldarmen jabdyqtaý kerek», - dedi Myńjylqy Berdiqojaev.

Budan buryn habarlanǵandaı, Qazaqstan Prezıdentiniń Ulttyq qoǵamdyq senim keńesiniń 3-otyrysynda aldaǵy 5 jylda memlekettik densaýlyq saqtaý mekemelerin medıtsınalyq tehnıkamen 100 paıyz qamtamasyz etý kerektigin júktedi.

Sonymen qatar Memleket basshysy tapsyrmasymen dárigerdi qylmystyq jazalaý júıesi qaıta qaralady.

Aıta keteıik, Prezıdent dárigerlerdiń jalaqysyn kóterýdi tapsyrdy.

foto: 100janaesim.ruh.kz